荃灣路天橋雷射槍侍候
於荃灣碼頭旁嘅荃灣路，絕對係屯門連接市區嘅必經道路之一，故此車輛流量相對地較高外，加上路面平坦筆直，有時真係唔覺唔覺咁就超咗速㗎！所以小記今日就特別提提大家，其中兩個設於荃灣路嘅雷達或雷射槍位，好等大家日後途經時要份外小心（尤其喺晚黑）！
記者：鄭達基
A往九龍方向：
B往屯門及九龍方向：
■當你駕車由屯門前往市區，響離開屯門公路後駛至荃灣路天橋時，緊記要以時速70公里行車。
■若然超速的話，警察就會喺荃灣碼頭對開、大涌道迴旋處往荃灣路支路橋面出口處「恭候」！
■大家咪以為過咗荃灣碼頭對開後，就可以踩盡油門衝住去噃！事關警察隨時喺遠些少（近海灣花園）嘅緊急車輛通道上，恭候各位超速駕駛者！
