呢排本地高級程度會考（俗稱大學入學試）進行得如火如荼，冇幾耐就接住中五會考「檔期」，大使見屋企附近間公共圖書館嘅自修室，朝早八點幾已經有學生喺門口排隊輪候，佢哋等自修室開門嗰刻，都手執書本念念有詞，把握分秒時間溫習。
大使晚上扭開收音機，聽到唔少考生打電話去電台節目，訴說讀書壓力及升學憂慮；大使又聽親友講，話佢哋啲仔女為咗考入大學修讀第一志願學科，呢排日讀夜讀，幾乎廢寢忘餐，啲仔女辛苦之餘，身旁嘅父母亦擔心不已。
想當年，大使先後應付中五會考同大學入學試嗰陣，也曾晚晚挑燈夜讀，連入試場前仍手不離筆記。不過，好在大使平日溫習有時，非在考試期間才臨急抱佛腳，咁自然少啲考試壓力。所以，大使奉勸各位莘莘學子平日要妥善分配學習同玩樂時間，咁考試嗰排就冇咁驚。
大使並借呢個專欄，向各位公開試考生提供多條輔導熱線（見表），等有需要嘅同學尋求適當協助，解決困難。
暖流熱線
電話:29908688
傳真:23702192
電郵:
網址：