人大釋法一事，漸漸淡化，港人都心中有數，知道應該點做。呢一仗其實係兩敗俱傷，北京輸時香港亦輸，贏嘅可能只有喬曉陽一個。
呢位喬老爺，夠膽帶住兩隻馬就南下，同班反動分子面對面砌過。其實佢都冒好大險，因為講錯一兩句嘢，返去都可能要寫悔過書。最後冇事，抵佢風騷。最唔抵就係安民，本來佢管商務部，只係負責畀着數香港，例如派吓屍爬糖，好衰唔衰佢喺最風頭火勢時要蒲頭，又忍唔到口，鬧李柱銘個老竇，令香港民意一夜之間全面倒向民主派，睇怕佢都有排煩。
安民失言，亦幾乎累死唐英年，好彩唐唐當旺。至於其他司局長，除咗曾詩麟嘻哈三人組閃唔甩，大多明哲保身，盡量唔表態。各位數一數，有幾多個局長冇捧喬老爺場？
傳真︰2623-9278
電郵︰