「冇理由個女賺錢，人哋霸住晒」
張耀榮爆梅媽開口借錢

梅媽連月來為梅艷芳的遺產分配事宜大動肝火，有本地演唱會之父稱號的張耀榮，前晚大爆梅媽早前對他表示收不到每月十萬元的生活費，故向他借錢，雖然張耀榮最終沒有借錢給對方，但他在言談中仍力撐梅媽。

張耀榮前晚在杜麗莎尾場個唱後，假紅磡都會海逸酒店舉行的慶功宴上，大爆與他相識十多年的梅媽梅覃美金在數月前曾經向他借錢。張耀榮說：「幾個月前，梅媽曾經打電話畀我，佢話冇錢使，又收唔到嗰十萬（阿梅每月給她的生活費），我同佢講叫佢唔使驚，佢有一百萬嘅『燕梳』（保險），梅媽話佢係有張一百萬嘅支票，但律師叫佢唔入住，佢至問我借錢周轉，話用嚟打官司。」

「冇叫我照顧佢」
張耀榮表示梅媽自該次與他通電後，便再沒有打電話給他，所以他亦沒有借錢給對方，對於有報道指阿梅生前曾要求張耀榮代為照顧母親，他否認說：「吓，我唔知，冇件咁嘅事，阿梅生前係有話過佢阿媽好好，但冇叫我照顧佢喎，人哋有仔有女，使乜我照顧呀？」

「諗住搵我出頭」
那麼張耀榮會否贊成梅媽控告阿梅的財產信託人？他說：「我唔理得咁多，唔好話贊唔贊成，要以和為貴，打交就梗係唔好，阿梅冇仔冇女冇老公，啲錢應分畀阿媽，冇理由個女賺錢，人哋霸住晒啲錢㗎！」
張耀榮坦言梅媽曾在電話中表示不開心，他說：「梅媽搵我，可能諗住搵我出頭，老人家冇錢使就梗係勞氣㗎啦，但我覺得冇理由畀錢佢打官司，呢啲事應該自己解決，佢係應該搵律師去搞掂呢件事，有錢乜都掂，冇錢就乜都唔掂，搵律師公開遺囑啦，冇可能唔畀人知，等大家唔使估吓估吓。」此外，對於有傳黃凱芹的兩場個唱延期，張耀榮表示因黃凱芹未錄好唱片及排舞，故延遲十多日舉行。
採訪：胡比　攝影：何國豪