美籍香港移民、騎呢新進偶像孔慶翔參加美國偶像大賽時憑一句「我已經盡力，所以完全沒有遺憾。」走紅荷李活，原來香港賽馬會投注事務執行總監陳承楷喺三十年前投身社會做事時，都係憑一句說話而獲僱主垂青。
「楷哥」噚日喺馬會招聘會度同八方講，當年佢投考馬會時，英文麻麻，所以好擔心會肥佬，不過佢最後以一句「我會肯做，我會肯學」過骨，而喺過去三十年重不斷步步高陞。講番馬會請人，唔講唔知，原來馬會喺咁多年嚟，曾經僱用過二十萬人，成三十幾分之一香港人口，真係唔簡單。
（圖）陳承楷（左）憑一句「我會肯做，我會肯學」而獲馬會垂青，𠵱家啲待業青年應該要好好學習。
傳真︰2623-9278
電郵︰