一名言語不通的印傭同一隻金毛尋回犬，上月十七號突然走入協恩中學附屬小學四圍跑，考驗當日上任嘅「一日制」校長、老師及校工，雖然學校俾兩名不速之客翻轉，但對於有機會坐正做校長、老師同校工嘅十幾個小五同小六學生，係一次難得的學習經歷。
其實當日係港台節目《小伙子．大攪作》到該校拍攝，從未見過如此混亂場面嘅小校長張樂陶，對住鏡頭喊起嚟，「有個唔知乜嘢人，我點都拉唔開佢，唔知點算呀。」佢事後話，從今次經驗中知道自己嘅短處，「我一遇到自己控制唔到嘅問題就會喊，呢個真係要改。」她耍手話絕對唔希望日後大個做校長。𠵱班小朋友有趣嘅經歷，今晚七點會喺亞視本港台播出。
傳真︰2623-9278
電郵︰