政府發行五隧一橋債券簽約儀式，今日下晝舉行，香港邁向債券之都又前一步，馬時亨應該飲得杯落。做咗兩年局長，頭一年簡直噩夢，𠵱家卒之有啲成績，快快趣趁未加息賣晒批債券，咁就開香檳啦。
除咗推動債市，馬局長亦擺平會計界，成功講掂數一人出一份錢成立獨立監管組織去昅住啲不良會計師。
八方上個禮拜五睇到會計師公會三份新聞稿，罕有高透明度咁披露三宗會員違規個案，其中包括前稅局局長單羅玉蓮單case，公會決定吊銷佢兩年會籍。
好多專業團體，真正目的都係維護自己人既得利益，難得會計師公會咁自律呢。馬局長如果早知係咁，咪唔使咁擔心。
傳真︰2623-9278
電郵︰