N-GAGE上年玩轉遊戲界，將「手機上打機」發揚光大，令人喺手機上都可以玩到流暢3D遊戲。相隔近半年，係時候加啲新意衝擊吓。日前Nokia就正式發表第二代N-GAGE，機身外形大幅縮水，偏向圓碌碌設計亦十分Cutie，難怪第二代稱為「N-GAGEQD」，淨係睇外形已經夠晒「Cute啲」！QD繼續強煲3D遊戲之外，顯示器亦依舊得4,096色，而之前令人有微言的MMC插槽，連帶SIM卡位都改為外插式，換卡就方便得多。而且驚為天人嘅「打側聽電話」設計，亦已經不再復見，變番正常，令人傾得更加安心。QD預計5月出街，價錢預計為US$199（約港幣$1,532），機迷絕對不容錯過。
記者：劉耀祥
網址：
