唔知係咪美國𠵱家愈嚟愈多人反戰嘅關係，連帶亦愈嚟愈多荷李活明星支持西藏精神領袖達賴喇嘛，繼早前李察基爾（RichardGere）公開支持絕食嘅藏獨人士之後，莎姐莎朗史東（SharonStone）前日又同五千幾個加州嘅大中小學生，聚集埋一齊聽達賴講佛偈，莎姐重好虔誠咁向達賴深深鞠躬。一身樸素打扮嘅莎姐，重演講咗一陣（圖），教育下一代點支持和平㖭。