英皇少女新人梁洛施（Isabella）及男子組合Boy'Z成員之一關智斌（Kenny），昨日在銅鑼灣出席松日MP3宣傳活動。據知廣告商為想找一對金童玉女來任產品的代言人，基於Boy'z以二人男子為組合，若加上Isabella則會成為一個「嬲」字，因此只揀選了Kenny與Isabella配成一對。
活動上身為師兄的Kenny，細心地照顧身旁的小師妹，不但替她撥走髮尾的紙碎，而Kenny站在巨型Isabella海報下合照時，他仍然拖着她的手。
Kenny表示二人很相配，他說：「佢都係好鍾意食嘢，而且兩個都冇時停，如果佢唔着高踭鞋，我哋嘅外形就配合啲，但係上年佢都冇咁高。」日後他們也會有很多機會宣傳，那麼會否日久生情，Kenny說：「咁長遠嘅嘢慢慢先諗啦！」不過提到拖着小師妹的手感覺時，Kenny則說：「咁細個皮膚實嫩啦！有九十五分。」
