「饑饉30」昨日揭開序幕，眾歌手如何韻詩、方力申、余文樂及Cookies等人都有出席支持。李逸朗及劉浩龍雖分別墮馬受傷和眼角膜發炎，但二人都堅持出席。部份歌手更參與「饑饉迷城」工作坊，赤腳於泥地、石地上步行，感受第三世界兒童的生活。
眾歌手昨日於酷熱的天氣下，雲集在香港仔運動場為第二十一屆「饑饉30」揭開序幕，據知神秘嘉賓張學友亦會到場為二千名營友打氣。
昨日Cookies、傅珮嘉、劉浩龍、吳浩康、麥浚龍（Juno）及吳日言等參與「饑饉迷城」工作坊，各人赤腳在泥地及石地上步行，而且亦要走過一個模擬的地雷陣，以及學習用擔架床救人，目的是希望他們於活動中，能夠體驗到第三世界的兒童平日所受到的威脅。
各歌手參與工作坊時均表現得十分認真，不過Juno涉水時突然向後踢，將水濺到師妹吳日言身上。
而李逸朗和劉浩龍更負傷上陣，劉浩龍左眼發炎，而李逸朗的頸部和腰部均裹着紗布，他說：「前日去石灘影輯騎馬相，點知隻馬俾海浪聲嚇親，之後我就跌咗落石灘，後來醫生話我左手啲筋傷咗，同埋尾龍骨有三、四節移位。」
此外，組合Cookies成員Theresa早前被指以電話短訊力追組合Boy'Z的Steven，她見記者即高呼說：「冤枉呀！成日都要寫我哋幾個主動追啲男仔，搞到我哋冇晒女仔矜持。事實上我都冇追佢，亦都冇send過短訊畀佢。」
昨日由於天雨關係，大會決定將所有戶外活動移師室內進行。
採訪：駱華齡、李珮洳
攝影：陳慧安
