路訊通（888）上周五有百萬買盤，見於0.78元位，當日收市，百萬買盤原封不動，反映識貨之士甚多，但惜貨者同樣不少，純講供求，現水平已有入市價值。
自由行落實及零售業復甦，廣告需求大大提升，本來對廣告企業如路訊通，已經有業務刺激果效，再加上路訊通營運模式，通過於巴士上經營戶外流動多媒體，巴士人流之多，毋須多講，乘客搭車沉悶，又會對ROADSHOW製作多望幾眼，以瀏覽人次搶生意，路訊通肯定夠份量。
沙士影響，中期蝕得太深，以致全年度返魂乏術，但集團下半年受惠經濟復甦，彈得也快，尤其中國地區業務，下半年溢利增長幅度，達到50%以上。能保持這個進度，再加香港復甦因素，路訊通本年度回復純利增長，可以預期。
此股由3月高位1.2元急墜至現水平，完全反映往績因素，更何況其手持現金高達5億，股價愈跌，每股就愈值錢。懂得後顧，更須前瞻，尤其黃金周將近，市場耐性隨時化做掃貨動力。
天地數碼（500）假前異動，於公布業績期前，勢頭似按捺不住。買此股同樣要前瞻，集團主營機頂盒業務，定單數量已超過100萬台，增長超過10倍。有如此成績，自然期望即將公布的上年度業績，有虧轉盈好開始，今年正式踏入豐收期。又以此股上周五成交股數急增達400萬股所見，買盤實淨非常，又來得如斯急勁，可能為大升先兆。
錢雋