林嘉欣早前與鄭中基鬧緋聞，加上他們合作電影《我要做Model》，令緋聞甚囂塵上，嘉欣笑說：「我哋喺銀幕上好有默契，但我唔會避忌而唔同佢傾偈，因為彼此培養出一份默契，令到大家做戲時好夾，連導演谷德昭都覺得我哋好有默契。基本上我每次拍戲都會傳緋聞，好似上次拍《戀之風景》，同一日有唔同周刊話我分別同鄭伊健及劉燁拍拖啦！」
那麼嘉欣與鄭中基可有發展機會？她即笑說：「我鍾意一啲比較normal嘅，佢好幽默，好多女仔都好鍾意，日常生活壓力咁大，佢係好體貼同好sweet，呢啲類型係女仔都鍾意啦，又識唱歌同做喜劇，但我會覺得好冇安全感。」
嘉欣慨歎身邊男士對她卻步，她說：「做咗artist之後，真係少人追，可能有距離感，所以都冇人鍾意我，好似我以前嘅男朋友都係我自己追番嚟！」
林嘉欣在訪問中多次表示自己只是一個平凡人，不用開工時，她會早睡早起，弄早餐給自己吃，又會往街市買花、返屋企執屋，又或與朋友煮幾味，然後一起談天說地，這樣愉愉快快便過一日，能夠享受平凡的生活，才是嘉欣快樂的泉源。
撰文：馮美茵 攝影：林德雄 化妝：WillWong
髮型：Hin@ILColpo 服裝提供：金鐘西武、NiceClaup
場地提供：Eden&Eve