林嘉欣出道不久，即憑與張學友合演電影《男人四十》奪香港電影金像獎「最佳女配角」及「最佳新演員」獎，今年更以黑馬姿態憑《戀之風景》提名影后，雖然落敗，但集萬千寵愛的她，坦言一到日落，內心就感覺好lonely（寂寞），因娛圈令她覺得沒有安全感。
活在水銀燈下，大部份藝人都非常依戀舞台上的璀璨，享受被人前後簇擁的感覺，然而「星皓」一姐林嘉欣，星途閃耀，歌、影兩邊忙得透不過氣來，但繁華背後，她卻覺得很寂寞。
嘉欣日前在灣仔接受訪問時說：「做明星好似好威，又拍廣告，又唱歌，但其實一日落真係幾疲累，嗰種感覺好lonely。」
嘉欣不諱言在新戲《救命》中，她所飾演的殺手角色與現實中的她有些相似，皆因兩人都很寂寞，她說：「戲中嘅我因為喺一個單親家庭成長，有一個好大嘅包袱，當身邊所愛嘅人一個一個咁離開，最後變得好冷漠同寂寞。我由十五歲開始，自己一個飄洋過海，由加拿大去台灣發展，之後又發生官司等事件，中間我離開過娛樂圈，後尾又有機會入番呢個圈，令我覺得呢個圈好冇安全感，所以我鍾意平凡，做番自己。
「我好驚迷失自己，我好鍾意唱歌同演戲，不過唱歌中間又牽涉太多政治因素，我只係想單單純純咁上台表演，但原來唔得㗎，出台前好多人會叫你點點點，又或者係其他嘢，令到成件事都唔係唱歌咁單純，咁我上台就會覺得好寂寞。」
嘉欣續說：「呢一行喺你好嗰陣，好多人走埋你身邊分享光彩，但當你一無所有，佢哋又可以走得好快，所以我只係想做番自己，能夠以興趣搵食，我已經覺得好滿足，其他名利我睇得好淡。」
嘉欣前年憑《男人四十》奪香港電影金像獎「最佳女配角」及「最佳新演員」兩獎，今年再以《戀之風景》角逐影后，雖然輸給張栢芝，但嘉欣一點也不感到意外，她說：「栢芝做戲嘅水準真係好穩定，但我自己就時好時壞，因為我情緒化，我好容易受外間影響，令拍戲時情緒唔係太投入，所以當初我真係好驚自己會爆冷得獎。」
嘉欣○○年至今共拍了八部電影，包括即將上映的《救命》及《我要做Model》，她覺得大部份電影都只是叫好不叫座，她笑說：「好似淨係去攞獎，不過對我嚟講最重要係電影公司唔好蝕錢。」
