組合2R、鄭希怡（Yumiko）、方力申、梁漢文（Edmond）和繆非臨等人，昨日齊齊出席新城節目《珠三角早晨！》的宣傳活動，剛由內地返港不久的Yumiko表示肚瀉了四天，懷疑在內地食店吃了充當乳鴿的老鼠肉，她說：「我一個鐘屙咗五次，而且重用晒一卷廁紙。我睇e-mail話內地有人將老鼠肉當做乳鴿，只係將個乳鴿頭擺番上碟。我以後都會小心啲，肚屙真係好辛苦，真係個教訓。」
而2R透露會在節目中擔任以普通話教學的英文老師，又笑言初抵香港時誤學粗口，二人說：「最初以為香港嘅形容詞係咁樣，後尾先知大件事，爹哋話女仔講粗口唔好，加上係artist就更加唔可以講，唔係fans學咗就唔好啦﹗」
此外，近日有雜誌報道指Edmond賣掉兩架車換細車，十分慳家，昨日他說：「之前都話咗想換，因為一架車太快，一架太大，都唔啱女朋友揸。」
採訪：王連連 攝影：陳烱威
