方力申（Alex）日前到跑馬地拍攝新歌《大方》MV，他表示演繹此歌時勾起他過去拍拖時的痛苦回憶。
Alex說：「幾年前我同一個大過我嘅女仔拍拖，後來佢同我講話鍾意咗一個年紀比我大嘅師兄，又話覺得我唔夠成熟，咁我當時覺得自己冇得同人爭，之後就放棄啦！不過後來都有掛住嗰個女仔，同埋亦都有後悔過點解當時唔去爭取。」
不過，Alex表示這首新歌改變他對感情的看法，他說：「我覺得以前唔去爭取係錯嘅，因為鍾意一個人應該盡力去爭取，起碼第時唔會後悔。」
此外，Alex透露擇偶條件是對方必須有燦爛笑容，他說：「希望我嘅女朋友笑起上嚟個樣好靚，但係目前重未搵到心儀對象。」