景德鎮瓷器世界知名，咁靚嘅陶瓷攞嚟當樂器咁敲打，唔使驚會打爛之餘，重可以奏出中西樂曲。噚日景德鎮歌舞團學院十五個美少女就隨團嚟香港，為今年十月喺景德鎮舉行嘅首屆國際陶瓷博覽會做宣傳。美少女所用嘅樂器，無論係二胡、笛子、直簫、敲擊樂器，甚至電子結他嘅發音喇叭，全部都係無花無假嘅景德鎮陶瓷，驟眼重以為係女子十二樂坊演出㖭。
景德鎮市副市長汪天行重教人分辨真正景德鎮陶瓷，最少有三大要訣，就係「白如玉、薄如紙、明如鏡」，唔好淨係睇個底有無「景德鎮」幾個字。
陳國良攝
傳真︰2623-9278
電郵︰