正值壯年的冼世倫，4年前因一次游泳意外，導致頸骨受創、半身癱瘓，自此有賴電動輪椅代步。奈何他使用多年的輪椅因長期耗損，近月機件失靈，已達無可維修地步；面對購買一部新電動輪椅的龐大支出，阿倫彷徨不已，亟待援手。
現年42歲的阿倫，前半生一帆風順，事業愛情皆得意。他原從事紙品貿易生意，三餐不愁，並擁有一段美滿婚姻，可惜，一切在頃刻間消失。1999年8月，阿倫偕友人於廣州清遠旅遊，其間他於江河暢泳，卻因跳水生意外。
「嗰日啲水好混濁，我睇唔到河底，斷估有一定水深，點知一跳落去個頭已經撞地，霎時間，我覺得手腳唔受控制，當時嘅情況幾危險，我乜都做唔到，惟有閉氣等自己慢慢浮上水面，上水嗰一剎那，我無晒氣力，最後由附近船伕合力將我救起。」阿倫向記者憶述一幕幕驚心動魄場面。
經醫生證實，阿倫頸骨第2節至第7節有骨裂情況，部份頸骨更移位，壓着神經線，需進行手術，但手術後情況沒改善，導致他四肢永久癱瘓，要在輪椅上度過餘生。
由於雙臂乏力，無法使用一般手動輪椅，要靠電動輪椅代步，那部他視為「命根」的電動輪椅數月前壞掉，令他手足無措。「部輪椅時好時壞，試過突然喺巴士上失靈，搞到我手忙腳亂，要勞煩警察搵架復康巴士送我返屋企；又試過有一次，部輪椅突然溜後兼煞唔到掣，結果將我成個人拋咗落地，跌到周身傷晒。」
阿倫曾找師傅維修輪椅，可是經檢查後，發覺機件嚴重耗損，難找適合零件維修，貧困的他，又無力負擔購買一部新電動輪椅，目前只能向志願團體暫借輪椅使用。「最唔方便係借用嘅輪椅尺寸唔啱，其次係唔可以長期借用。」
職業治療師黃姑娘評估阿倫的病況後，建議他購買一部價值4萬5千元、可供坐卧的電動輪椅，減輕他腰部及臀部所承受壓力。由於阿倫早前離婚，現由年邁母親及親友輪流照顧，黃姑娘建議他添置一部人體提升與移動裝置（俗稱吊機）及一張沖涼便椅，以配合起居生活需要。惟上述物品連電動輪椅總共需費5萬7千元，非阿倫所能負擔。
「呢幾年為咗個病，睇咗唔少醫生，早已經花光所有積蓄，𠵱家開飯都成問題，真係攞唔到錢出嚟買醫療器材。」經濟欠佳的阿倫，去年9月開始申領綜援金，他盼善長伸出援手，助他解決出入困難。
捐款編號：C1351
暖流熱線
電話：29908688
傳真：23702192
電郵：
網址：