今日正式登場嘅寶馬X3車系，可謂先聲奪人，喺未開賣前經已引來一陣哄動；皆因筆者聞得代理方面，早前經已收過X3多達25部定單。一班準買家未有機會接觸到部新車前，竟有如斯信心落訂購買，可見得這輛新一代SUV備受矚目嘅程度；據知，剛打入本地市場嘅全新X3系列，分有入門版2.5iA（馬力192匹）及頂級版3.0iA（馬力231匹）型號。前者定價不過$478,000，而後者亦只係$508,000，若然多加原廠幾近天幕式Panorama玻璃電天窗的話，都不過多給$15,000咋！聽聞今年到港嘅寶馬X3配額，只得50部上落，若然對呢部新款SUV有興趣的話，就真係唔好錯過機會喇！