最近參加了ESPN主辦的美式桌球（9號波）傳媒邀請賽，雖然筆者在分組賽率先出局，不過，最後睇到傳媒冠軍與前任世界冠軍雷耶斯（EfrenReyes）的一場友誼賽，發覺呢位「鬍鬚佬」原來咁鬼友善，咁鬼得意。
筆者對9號波其實認識不深（全港得兩三處地方有得玩），今次純粹志在參與。而傳媒冠軍的獎品，就是可以挑戰有「魔術師」之稱的菲律賓球手雷耶斯。不講不知，呢位鬍鬚肥佬在菲律賓的地位，等同美國人心目中的米高佐敦，筆者能夠近距離睇佢打波、合照，都不知恨死幾多菲傭。
傳媒邀請賽最後由某報編輯勝出，緊接以三局兩勝制比賽挑戰雷耶斯。畢竟，9號波之勝負有些少講求幸運，呢位編輯哥哥首局比賽就帶點幸運情況下贏了雷耶斯，全場嘩然。
鬍鬚佬做了個趣怪表情，似不忿氣。當然，第二局他力追成一比一；而第三局亦順風順水打至最後的9號波，「餐士」在手的鬍鬚佬，想以一招兩「咕」清袋表演時竟失手，世界冠軍就這樣輸了，惟有以笑遮醜。
筋肉人
電郵：