港人對人大釋法阻撓○七普選餘怒未消，董建華又再次在提交中央的政改報告中，為○七普選加上「九關」。有親北京政界人士坦言，董只是執行北京對政改的部署，「遂步遂步話畀你班香港人同民主派聽，○七年唔使望有普選」。
事實上，不少民主派立法會議員均認為，董搞了個「董九關」出來，其實是北京「逆向思維」代表作：「好明顯阿爺唔畀○七年有普選，但又唔可以直接一刀斬落去，俾人話佢破壞『一國兩制』，最後先由阿董自設關卡，喺香港層次先殺咗普選，唔使北京出招」。
不過，有官場中人直指這一招為普選「自宮」，特區政府及董建華也非無後顧之憂：「𠵱家特區政府做醜人，即係由特首承擔冇普選呢隻黑鑊，以特首𠵱家嘅民望，重頂唔頂到？今年7.1會再有幾多人上街？會唔會再有更多人倒董？真係冇人知。」
他認為，整件事唯一最大得益者，其實是政務司司長曾蔭權：「原本大家以為佢會同葉太（葉劉淑儀）一樣，因為今次要推政改、殺普選搞到民望大跌，粉身碎骨，點知佢唔只唔死得，𠵱家就算○七年冇普選，都係入晒特首數，佢只要按本子辦事就可以，冇需要同民主派硬碰」，有民主派議員更形容曾對本身政治前景雄心萬丈，「佢真係以為自己可以有機會再上一層樓」。
本報記者