關心妍早前發生綁架鬧劇後曾往美國學藝，她表示抵美之初，不時對陌生人疑神疑鬼，幸她最後順利過渡，兼且完成十萬元的聲樂課程。聲樂老師指關心妍胃酸倒流，特傳授她蒸氣養聲秘技，就像為聲音做面膜一樣。
關心妍（Jade）早前因提供片段予有線播出而遭無綫封殺，想不到緊接下來就鬧出一場綁架風波，結果令早已計劃往美國洛杉磯學唱歌的Jade在整個旅程中陰霾重重，尤其每當有陌生人向她投以注目禮時，Jade總會膽怯怯心慌慌。
Jade日前在灣仔接受記者訪問時說：「我唔係驚俾人綁架，但個儍佬搞到我真係有啲怯怯哋，我去酒店住時，見到有啲人嘅眼神鬼鬼祟祟，初頭都唔知乜事，自己都冇四圍走，後尾至知原來人哋想搵我簽名，不過我全程都好小心，平日好早返屋企，我只係去過環球片場玩咋。」
這次Jade赴美跟老師學唱歌，她表示對方桃李滿門，陶喆、張惠妹、蕭亞軒、孫燕姿和林憶蓮均是其學生，故對方所收的學費亦不菲。
Jade說：「我上咗三個禮拜堂，學費成十萬蚊，好彩係公司畀錢，但我覺得物有所值，因為個老師見識好廣博。佢話我有胃氣，因為胃酸倒流，長期係咁會搞到把聲好傷，所以除咗要多食燕窩外，佢重教我每朝起身都要吸熱蒸氣，等呼吸系統可以有層保護膜，簡單嚟講等於做個聲音嘅水份mask。」
此外，對於陳奕迅（Eason）以廣東話接受有線訪問，Jade說：「之前我嗰件事（被無綫封殺事件）都搞咗好耐，我都係無心之失，Eason嘅事我唔可以評論太多，我都係過來人，希望大家都冇事啦。」
採訪：朱倬誼 攝影：陳慧安
場地：Edenrestaurantclub
