黑人女歌手Lil'Kim真係一身蟻，話說佢三年前去紐約錄音後，佢隊工作人員竟然同一班人大打出手，後來重演變成開槍事件，當時Lil'Kim猛話自己唔在場，不過最近一餅錄影帶證明佢當時係目睹事發經過，日前佢俾曼克頓法院告佢作假口供、妨礙司法公正等八項罪名，最高可以判三十年監，雖然Lil'Kim否認控罪，但佢今次肯定有排煩。