陳小春、李彩樺、羅志祥、張韶涵和鄧健泓等昨日到尖沙嘴出席新城「星級旅程記者會」。提到栢芝情傾韓國男星張東健一事，栢芝過氣緋聞情人陳小春昨笑說：「咪好囉，結婚囉，我都唔係好識答呀。」
問小春是否栢芝結婚，他才有甩難感覺，他說：「我冇諗過，乜係個難咩？係劫嚟㗎咩？佢結唔結婚要問番佢老竇，關我乜嘢事啫。」提到碧咸的桃色新聞，小春說：「皇馬踢得好咪得囉，我都唔鍾意碧咸，我鍾意施丹，比較有男人味，我唔鍾意太脂粉味。」
而李彩樺日前被指與男助手過從甚密，二人同撐一傘，她說：「當日只係佢陪我行去截的士，我着高跟鞋，佢咪幫我攞遮囉。」
採訪、攝影：馮美茵