前蔣夫人宋美齡講過：「我將再起」，呢個遺願，財政司司長唐英年同貿發局候任總裁林天福，噚日終於喺瑞士巴塞爾實現咗。佢哋率領住三百三十三名廠商，為數逾二千名嘅香港代表團浩浩蕩蕩殺返「世界鐘錶及珠寶展覽館」(BaselWorld2004)，重為歷來最大嘅「香港館」揭幕。
舊年因沙士之辱，瑞士實施「華人與狗不得內進」政策，港商被迫退展，搞到香港飽嘗台式「國際孤兒」滋味，後來貿發局同主辦單位傾掂數，唔單止可重返巴塞爾，重可以喺新展館攞到好位，保證未來六年都再冇大問題。
唐唐揚威返啅，喺香港嘅曾俊華就繼續頂住佢財司個位，唔講唔知，喺六至八號，鬍鬚仔一人身兼四高職，署理埋馬時亨同葉澍堃個位，真係破晒紀錄。
（圖）唐英年（左三）為歷來最大嘅「香港館」揭幕。
傳真︰2623-9278
電郵︰