鄭希怡（Yumiko）、何韻詩及陳小韻等一班明星名模，前晚為一個髮型騷行catwalk，Yumiko以一身性感的bratop打扮示人，並在行騷時即興哼起其出道作品《相對濕度》，此一搶風頭行為，即招來途人噓聲。
鄭希怡、黃伊汶、2R、Boy'Z、英皇新人Isabella、吳浩康及陳小韻等人，前晚齊到香港公園，為Boffy及葉蘊儀緋聞男友Daniel旗下的CHIN.G髮廊行髮型騷，活動取名「04Magmanite高溫之夜」，各模特兒均打扮成花草、樹木、仙子及雀鳥等，造型誇張，在公園內穿梭。
「係佢哋唱先」
其中Yumiko以性感比堅尼配鮮紅皮草扮花，其鬆身短褲又不時滑落，露出泳褲邊，成為全晚焦點。而Yumiko行騷期間一時忘形更哼起其出道作《相對濕度》，不料現場圍觀巿民即時報以噓聲。
事後Yumiko接受訪問時死撐，否認被噓，她說：「唔係，冇喎！係佢哋唱先，我都係跟住接落去啫，冇人噓。」問她為可作如此性感打扮？她說：「我幾鍾意個look，又靚又誇張，我都唔知咁性感㗎，不過我今日好趕，冇墊pad，加上整咗啲長嘅假指甲，搞到我去廁所都唔方便，去一次要二十分鐘。」
「我咁靚冇人襯得起」
前晚因公園內燈火昏暗，又落着毛毛細雨，一度令現場出現混亂，但仍有不少巿民冒雨圍觀。身穿熱褲露長腿的黃伊汶事後表示遭人博懵，她說：「我扮未來皇后，頭先就俾何韻詩笑我個頭似蚊香。其實我都唔介意咁性感，行catwalk誇啲冇所謂，預咗俾人睇，不過頭先有人博我懵，摸我膊頭，好彩我縮得快。」
而赤膊上陣扮樹的吳浩康亦表示被摸，他說：「今日胃痛又病，不過頂硬上，我冇特別操fit上陣，有啲腩肉。」Isabella昨晚穿上魚網長裙扮仙子，她說：「事前冇綵排過，都幾混亂。」至於Boy'Z的Steven則與胞姊及胞弟同場演出。
此外，何超瓊昨晚以低胸pinklady打扮往捧場，她表示復活節期間與家人赴日旅行休息，提到近期出現多封針對賭王家族爆料匿名信一事，何超瓊說：「已經交晒畀律師處理，有專人跟進，唔會影響我心情。」再問何超瓊為何獨自往睇騷？她半開玩笑地說：「我從來都唔需要partner，我咁靚冇人襯得起㗎嘞。」
採訪：胡比、楊潔雯
攝影：仇志德
