早排SONY推出嘅超薄巨芒王T1大受歡迎，香港行、水均頻頻斷貨，呢個DC新系列可謂幫SONY撈咗一大票，咁有市場價值，SONY梗唔會畀佢停，嗱嗱聲宣布推出第二代薄芒王。呢部T11仍以超薄輕巧為主要賣點，當然亦唔少得大受好評嘅2.5茈豕~，雖然大部份規格跟舊型號T1差不多，同樣配備510萬像素SuperHADCCD及3倍光學變焦鏡，以及對應MemoryStickDuo及DuoPro，全部都係SONY目前最新嘅規格，不過新機就抽起推蓋式設計，而賣相就更為Trendy。據官方網講，T11主打20至30歲嘅女性用家層面，故此設計上冇T1咁冷冰冰，唔知係咪從此以後，T系列會分為男性用家版，又或女性用家版呢？不過據筆者估計，更大可能會陸續推出唔同顏色嘅版本，情形就好似P及U系列一樣。
T11將於四月尾發售，估計售價為58,000日圓（約港幣$4,234），跟T1行貨價差不多，相信亦好快有行貨，有興趣嘅讀者要昅實。
記者：徐影龍