英國積架汽車（Jaguar）繼早前推出新一代XJ車系後，又喺今屆美國紐約國際車展會場上，展出ConceptEight概念車，雖然呢部概念車係以新XJ長陣版作為設計平台，兩者外形甚為相似，但廠方卻為前者改換上四輪21吋跑車合金胎軨、於前輪後方附有電鍍框邊嘅生風導入口，令流線車身更具跑味。
記者：鄭達基
改裝茶色玻璃車頂
車廂方面，廠方為車輛裝上用料更高級嘅皮椅，又加入輸出功率更強勁，兼備有DVD播放功能嘅Alpine音響，以及響前排椅背後方加入儲物匣等等，重有就係將原來同樣以鋁合金製造嘅車頂，改以茶色玻璃鑲嵌，旁邊重加有多盞LED燈，令呢部跑格積架更年輕化！
廠方更為ConceptEight起用一台4.2公升V8Supercharged引擎，馬力輸出高達390ps/6000rpm，就連扭力輸出亦高達55.2kgm/3500rpm，匹配埋一套6前速自動波箱，起動踩油更具爆炸力！