古天樂昨天到銅鑼灣遊艇會，出席一個帆船鞋的宣傳活動，他即場揚帆出海，並與小朋友比賽鬥快打繩結。
對於林曉峰因透過傳媒批評無綫新計騷制度而被問話，古仔表示理解對方心情，他說：「喺藝員立場，大家都做嘢做得辛苦，佢又結咗婚又有BB，可以理解佢嘅心情。其實僱員都可以表達佢哋嘅心聲，無綫要體諒僱員，講幾句都唔算過份。如果講完唔返工就話離譜啫，呢啲係合理表達，如果唔係香港就冇咁多人遊行啦。」
問仍與無綫有經理人合約關係的古仔，對於新政策有何意見，他說：「大家要表達心聲，可以叫所有藝人一齊喺內部遊行囉，抗議遊行只係一個字眼，其實只係想勞資雙方要溝通多啲。」至於會否影響士氣，他說：「咁一定㗎啦，以前都試過實行類似嘅措施，亦有幕後人話做到心淡。」古仔表示雖然無綫有這個新制度，但他傾合約時亦會以無綫帶他出身為大前提。
採訪、攝影：王連連