鐘子淇已經不叫鐘子淇，現在她叫鐘禧文，原來她找蘇民峰改名已有三個月，但至今竟然無人知其新名，難怪連她自己都覺時有點失敗。
落選港姐鐘子淇不知不覺已在無綫待了兩年多，她歎道：「新一屆又嚟，雖然𠵱家自己二十歲，但係我知道喺娛樂圈唔可以有好多年時間。」鐘子淇又直言改名是因為迷信，她說：「雖然我喺外國長大，但係屋企人好迷信，我經理人又話改名好，咪搵蘇民峰幫我改，佢畀咗十幾個名我揀，有鐘菁、鐘芮，最後就揀鐘禧文，好似man啲。」
鐘子淇也曾參演劇集演出，她說：「之前拍過幾集《牛郎織女》，就算係清晨六點通告我都興奮，一早返公司化妝。之後拍《鴨寮下的金蛋》同Bobby（歐陽震華）做對手戲好緊張，NG好多次，好彩Bobby教我點做。」
採訪：楊潔雯
攝影：陳偉權