李惠敏（Amanda）早前遠赴西安銀川，拍攝電視劇《三言兩拍》，Amanda扮演一名為胞兄報仇的俠女殺手，被追捕時獲羅家英相救。由於外景場地位於戈壁沙漠，Amanda一度因未能適應沙漠每天的強烈溫差而幾乎病倒。
李惠敏早前在西安逗留了近兩個月時間，拍攝內地電視劇《三言兩拍》，首次參演古裝劇的Amanda，對每一件服裝及頭飾都感到十分有趣。Amanda又笑言慶幸其劇中造型比較簡單，不必每天花上三、四個小時化妝。
不過，由於拍攝地點是接近內蒙的戈壁沙漠，拍攝隊伍需於每天早上六時出發，經三個小時車程才能到達外景場地。Amanda表示最抵受不了的不是每天早起，而是沙漠溫差極大。
Amanda說：「沙漠啲溫度可以由朝早九度升到中午二十幾度，然後夜晚又得番六、七度，成日都一熱一凍，搞到我都差啲暈低，好彩我之前喺北京拍戲時都習慣咗咁凍嘅天氣，如果唔係真係好易病。」
另一方面，由於沙漠拍攝場地沒有洗手間，Amanda又不想就地解決，每天竟只喝半支水，她笑說：「我去到拍攝場地先知沙漠係冇廁所嘅，所以我日日限住自己只可以飲半支水，咁樣就唔使拍拍吓要搵洗手間啦。」
此外，Amanda拍攝此劇時除與拍檔羅家英及一班內地演員成為好朋友外，亦結交了一些另類好友，她說：「因為我哋成日都喺沙漠，所以經常都會見到駱駝，而且亦都係我咁大個女第一次咁近距離同駱駝接觸，我發覺佢哋好得意，所以拍完套戲之後就鍾意咗佢哋啦。」
撰文：李珮洳
