陳奕迅（Eason）和馮德倫前晚在旺角舉行電影《大佬愛美麗》簽名會，為一百名影迷簽名，現場吸引數百途人圍觀。
馮德倫有見《大》片反應好，有意開拍第二套新戲，馮德倫說：「我預計八、九月開，女主角考慮選用莫文蔚同電影《第五元素》女主角美娜祖華維茲（MillaJovovich），男主角就想搵劉德華，我細個嗰陣已經好鍾意華仔，我重將以前錄低佢表演嘅帶送畀佢。如果華仔肯演出，我隨時可以為佢效勞。」
此外，對於《大》片開畫六日，已有六百多萬的票房，Eason很雀躍地說：「咁計法十日咪過千萬？可以去泰國旅行，過二千萬就可以去日本旅行。」Eason又承認拍戲比唱歌更賺錢。
至於同是上映六日，由古天樂和梁詠琪主演的電影《戀情告急》票房是七百多萬，而上映十三日的《受難曲》累積票房約有一千二百五十一萬。
採訪：陳梅香 攝影：仇志德