以生產底板出名嘅台灣微星（MSI），新推出一款影音機箱「MEGA」，雖然外形四四方方，跟一般齊料式機箱差不多，不過其強調之影音多媒體功能，將機殼顏色配襯得相當之潮，加埋鏡面設計，十足十微型Hi-Fi咁盞鬼。當然其影音功能亦相當之強，機前面板設有特大屏幕，作顯示播放狀態，而側邊有大大個音量掣，配合其他快速鍵，聽MP3、電台節目、都好Easy，配合5.1頻道輸出，駁擴音機睇DVD都冇問題。
MEGA支援IntelSocket478系列處理器，最高可支援P43.2GHz，記憶體則最高支援2GB，相當之厲害，不過齊料機箱特色係只提供底板，而處理器、記憶體、硬碟等均需另行購買及安裝，砌機新手就唔太適合喇。
記者：徐影龍
相關網址：