獎勵擁有健康體魄、品行出眾學生嘅羅德獎學金，每年只會挑選一個香港學生成為得主，今年六月就會完成文學士課程嘅中大學生馮思宇，係今年嘅得主。馮同學成績好就唔在講，修讀繙譯嘅佢除精通兩文三語，課餘重進修緊法文，拉小提琴造詣又已經達到八級，佢喺十月就會去英國修讀哲學、政治及經濟學學位課程。
八方噚日見到馮思宇，問佢究竟點樣擊敗其他強手贏得獎學金。佢就話好難忘喺最後面試時，被評審團問及香港現時有冇條件進行普選，小妹妹聲稱係去年7.1遊行同區議會選舉，令佢覺得港人「容易被煽動」，現時未有足夠條件普選；佢又聲稱政治偶像係已故國家領導人鄧小平。
新一代絕少有馮同學咁強嘅「愛國」意識，咁「愛國」，嘿，點解佢又揀去英國讀書，唔北上清華深造呢？後來至知佢原來自小睇開左報，唔怪之得咯。
（圖）馮思宇才華洋溢，獲選為本年度羅德獎學金得主，可謂實至名歸。
傳真︰2623-9278
電郵︰