香港社區組織協會首次與政治漫畫家尊子合作，後者畫咗八幅諷刺時弊嘅漫畫，印喺瓷碗上，短短個幾星期已經賣咗一百隻，重籌到十七萬，社協於是決定加碼，最近又將呢批漫畫印喺T恤度，製成四百件「公義T恤」，準備喺嚟緊星期六、日喺太古城中心義賣，每件八十蚊，分黑、白兩色，如果想要尊子親筆簽名，就要加多廿皮。
唔講唔知，原來呢批T恤係由尊子一名fans捐出嚟。尊子同八方講，喺星期日晏晝佢會現身太古城，即席應市民要求畫畫，根據之前嘅經驗，啲人都幾鍾意叫佢畫老董個樣喺啲物件上面，不過原因係咩，佢就諗極都唔明。
梁祖彝攝
傳真︰2623-9278
電郵︰