離開酒店房間時，五位fans的興奮心情仍未平復，更大談對田中的感受。十六歲的阿峰說：「田中麗奈嘅笑容好甜美！」
十九歲fansWater則說：「頭先我同田中麗奈握咗三次手，佢隻手好滑好軟。」Water更說渴望成為田中的形象師，可以時刻為她整理服飾。而就讀中四的女fans阿蓉則說：「我鍾意田中腳上嘅兩條紋身，真係好有型。」
至於強調不喜愛日本巨乳水着女星的阿風，大讚田中不只臉蛋，連全身的皮膚亦很白皙，他還說：「剛才最興奮嘅一刻，係自己講出最欣賞田中喺新片嘅角色，成功令佢笑。」而Steven卻遺憾的說：「雖然好開心，但其實自己有啲後悔，因為重有好多問題冇問到田中麗奈！」