楊恭如日前為內地劇《大漢風》拍攝一場騎馬戲，因她不諳騎術，戲服又太長，為免上落狼狽，即使在食飯及不用埋位時，她都留在馬背上，以致腰痠背痛。恭如感謝胡軍教她騎馬技巧，令她不會因騎馬而緊張。
楊恭如近日身在北京，與胡軍及吳倩蓮等拍攝大型古裝劇《大漢風》（前名《楚河漢界》），為令飾演虞姬的恭如豔絕天下，美術指導及服裝設計皆花盡心思為她設計造型。
恭如日前拍攝一場騎馬戲時，只見她小心翼翼坐在馬上，因為戲服看來隆重且裙襬十分長，故為免上落時麻煩和狼狽，即使等道具人員設置燈光布景、或是放食飯，恭如都寧可留在馬背上，直至拍攝完畢為止。
恭如坐在馬背上大半天，所以收工時她的腰骨十分痠痛。問到騎馬的感覺？恭如說：「我本身唔係太識騎馬，而且啲馬隻隻都咁高大，我每次知道要拍騎馬戲時都會有啲緊張，因為騎馬始終有一定嘅危險性，所謂行船跑馬三分險，但唔知點解今次竟然一啲都唔覺得緊張。」
恭如表示今次全靠拍檔胡軍的幫忙，她才可輕易完成演出，因為胡軍知道她不諳騎術，所以拍攝前教了她不少騎馬的技巧。
恭如說：「原來騎馬同揸車好似，而且今次啲馬係經過練馬師訓練，好聽話㗎，可以稱得係專業『馬演員』。」
而今次騎馬戲的戲服亦令恭如愛不釋手，她說：「我一直都好鍾意粉紅色，今次拍騎馬戲嘅戲服都有粉紅色，重有斗篷，美術組嘅同事好犀利，件件都好啱我身，令我更加容易投入『虞姬』個角色。」
