時鐘款式日新月異，你屋企都可能有個好獨特的。但說到要自製這類概念時鐘，即時反應是「沒可能吧！」然而別被這種懶HighTech的伎倆嚇怕，原來幾張卡紙，再加點心思將時針和分針隱藏便可，重唔使30分鐘就迅速完成！再動動腦筋，日常生活中也有許多東西可借題發揮！
記者：何善華
攝影：周旭文
睇時間唔一定要用時針和分針，幾張卡紙亦有報時之效。秘密就是將時針和分針分別貼在兩張圓形卡紙背面，當時針及分針轉動時，便會連帶卡紙一起轉動，運作其實與一般時鐘無異，之不過是靠卡紙上的刻度來睇時間。
材料
硬卡紙1張、瓦通紙1張、膠面紙1張、鐘芯1套、數字貼紙1張、顏色貼紙1張
步驟
小秘技
時鐘的底部最好使用較硬的卡紙，方便承托和支撐背部的鐘芯。另外，在卡紙背面貼上時針和分針時沒有特定方向，但避免黏貼到鐘軸，否則時針及分針不能帶動卡紙轉動。由於卡紙已代替了時針及分針，所以校時間則同平時一樣。
閒時在家中晾衫，可有想過衣架都可以變身成為時鐘？還有，點心蒸籠內那塊鋼片板更是做鐘的好材料，皆因板上有透氣孔，毋須鑽孔便可安上鐘芯，話咁快就搞掂，方便易做。
步驟
小秘技
鋼片板時鐘宜固定在衣架的正中，若放在衣架兩邊，會令整個衣架鐘向左或右傾側。
日常生活不少材料都可以就地取材或廢物利用，做出不少別致及有心思的實用品。正如一塊乒乓球拍，竟可搖身一變成為時鐘，做法簡單，但完成後的效果卻是始料不及的Cutie&Sporty，對於一班運動癡來說就更有意思。
步驟
小秘技
可在乒乓球拍的「3、6、9、12」時刻位置貼上數字貼紙，方便睇時間。
