天主教香港教區主教陳日君上任幾年經常見報，被冠以「反叛主教」稱號，近期最緊張嘅戰線係同教統局就修改教育條例開火，佢接受新加坡《海峽時報》訪問時強調，教區介入政治事務非始自佢，上任胡振中樞機已直接領導幫助居港權人士一役，言下之意佢蕭規曹隨。
陳主教又話香港教區冇就社會、政治事件問過羅馬教廷意見，對方亦冇畀過任何指示，不過「教宗對香港發生的事情瞭如指掌。」
陳日君喺訪問中又否認教區介入政治，指教區從來冇建議教友投票畀任何一個政黨，因為神職人員要保持中立，「不過我們可以向教友提供指引，投票給那些關心人民、維護公義與人權的政黨。」主教講到咁白，教會學校，畀唔畀特區政府借「民主」為名插手搞局？港人應該收到。
（圖）陳日君話羅馬教廷冇就香港社會、政治事件畀過任何指示。
傳真︰2623-9278
電郵︰