平治轎車保值率最高

據著名國際市場分析公司EurotaxSchwacke嘅最新調查顯示，平治轎車喺二手車市場嘅保值率至突出，《Auto-Bild》雜誌同時亦發布咗「2004價值冠軍」嘅比較結果，平治憑A-Class、C-Class、CLK、SLK同埋S-Class等型號嘅優異表現，喺5項車型類別中均獨佔鰲頭。

記者：鄭達基

C-Class旅行車逾78%
「保值率」指嘅係某種車型，響使用一段時期後嘅易手價格與原始購買價格嘅比率，佢取決於汽車嘅性能、價格、可靠性、配件價格及維修便捷程度等多項因素，係汽車綜合水平嘅體現。
響EurotaxSchwacke嘅調查中指出，按照使用兩年後嘅價值估算，C-Class旅行車嘅保值率超過78%，遠遠超出市場中其他品牌嘅旅行車，而C-Class轎車亦有74%嘅保值率，也超出該組別平均值6%以上。此外，在《Auto-Bild》嘅比拼中，平治C200CDI旅行車也獲得「2004年度價值冠軍」嘅稱號，與它同獲此殊榮嘅還有平治E220CDI。

2年車齡SLK僅折19%
在高級豪華轎車方面，平治同樣保持了很大優勢，超出平均水平7個百分點嘅高保值率，令S-Class處於豪華轎車組別嘅領導地位，而S320CDI更係其中嘅佼佼者。
同樣，SLK和CLK兩款跑車在德國嘅保值率都維持在較高水準，據調查顯示，在使用兩年後，SLK嘅保值率僅僅減少19%，而SLK200KOMPRESSOR被《Auto-Bild》嘅評審委員們授予跑車組「2004年度價值冠軍」。此外，CLK轎跑車在同組別車型中也擁有明顯優勢，其中CLK270CDI高達71%嘅保值率超出其他對手8.5個百分點。
另外值得一提嘅係，近年來幾乎供不應求嘅市場局面，令平治A-Class嘅易手價格繼續走高，一輛使用兩年左右嘅A-Class轎車，在二手車市場嘅價格仍可達到原價嘅70%，令其他品牌嘅車型望塵莫及。