樂聲電器大王蒙民偉同佢位公子蒙德揚，今日會去科技大學，見一見去年諾貝爾物理學獎得主安東尼．萊格特教授及科大校長朱經武教授。正所謂無事不登三寶殿，山長水遠入到清水灣，當然唔係睇海景咁簡單。
話說信興教育及慈善基金向科大捐贈一千萬港元，支持科大納米科技研究，個捐贈儀式今午喺學術大樓舉行，所以要去主禮。而蒙民偉之前捐咗一筆錢畀科大搞個「蒙民偉實驗室」，但佢好耐冇去睇過，所以亦想睇睇。
除咗錢，蒙民偉個拍檔──日本松下亦捐咗一支用風力及太陽能發電嘅環保燈柱畀科大，係全港第一支（遲吓會送五十支畀雅典奧運會），各位行過科大正門，記得睇睇呢碌柱。
傳真︰2623-9278
電郵︰