林曉峰近日公開批評無綫新的計騷方法，他昨返將軍澳電視廣播城跟助理總監樂易玲開會，在約兩小時會議後，林曉峰離去時說：「樂小姐解釋新計騷方法，佢話公司想拉近貧富懸殊，我暫時嘅工作都冇變，不過我喺電台咁講係基於我係一個主持身份，公司話會有處分，但未知有乜行動。」
據知林曉峰的處分是暫時只可以繼續做《勁歌金曲》主持，其他工作將被取消。而樂易玲昨在電話中說：「因為林曉峰講嘅嘢有損公司形象，我口頭警告咗佢。講雪藏就太嚴重，不過公司會重新考慮有乜嘢啱佢做。」
相反，陳奕迅日前以廣東話接受有線訪問，事後公開道歉，無綫董事及集團總經理何定鈞昨說：「佢都公開道歉，公司暫未有任何處分，人哋都知自己錯。」正被無綫封殺的關心妍昨在電話中表示替陳奕迅高興。
而無綫繼裁員和藝員減騷後，最近向鄺業生等多名監製開刀。鄺業生昨日說：「我係自願離職，會做到五月，但同無綫合約就到九月底，喺呢段時間公司會繼續出糧畀我。」