當年KONAMI憑《GRADUIS》系列，奠定街機、家用機射擊Game王者寶座，其武器升級系統，緊張刺激中滲入戰略性，連帶外傳《沙羅曼蛇》及Cute版《沙鍋曼蛇》都賣個滿堂紅，相當之厲害。新作將於七月喺PS2登場，由畫面到系統都有唔少改進。
記者：徐影龍
系列中最為機迷津津樂道嘅，當然首推其武器系統，嚟到第五集，《GRADUISV》更為發揚光大，除咗保留傳統4個Type類型外，重有唔少新武器類型加入，另外舊作中一時大意「食」多咗增加速度嘅Speed，會變得極為失控，今集就有所改良，若速度到極限，再進化就變回最慢速，從頭嚟過，算較親切嘅設計。
除新改良系統外，遊戲畫面亦經大幅強化，全3D機體及敵人外，背景亦有好豐富嘅描寫，如第五關嘅前線基地，起初要應付一大堆巨型隕石，槍林彈雨左閃右避，相當之有氣勢。KONAMI重專登為《GRADUISV》搞咗個InternetRanking，等機迷透過上網，登記自己最高嘅分數，恍如英雄榜般排列，吸引機迷不斷挑戰，有興趣就要昅實官方網頁。
官方網址：
