啱啱被國際反貪組織「透明國際」列為全球貪污最厲害嘅國家領導人第二位嘅菲律賓已故總統馬可斯，佢嘅遺孀艾美黛被菲律賓政府充公嘅一批價值一千萬美金（即係大約七千八百萬港紙）嘅珠寶可能會拎出嚟拍賣。
八方聽講，𠵱家最少已經有兩間國際拍賣行有興趣接呢單生意，菲律賓政府重考慮喺香港、倫敦或者紐約其中一個地方舉行呢場世紀拍賣會，但菲律賓政府重未落實拍賣日期，八方諗，馬可斯夫婦被指貪咗成三百九十億至七百八十億港紙，好多人都想了解一吓呢對夫婦過嘅生活有幾窮奢極侈，如果呢個拍賣會真係決定喺香港搞嘅話，相信一定會吸引好多人去睇。
傳真︰2623-9278
電郵︰