本港極左報龍頭《大公報》喺清明復活節期間有人事變動，老總楊祖坤六十歲夠鐘退休，副老總葉中敏亦轉任主筆，而最近先重返《大公》嘅雷競斌就由「助理總編輯」跳升做執總。
《大公報》喺楊葉領導下，一向挺董不遺餘力（呢個係黨俾佢哋嘅任務），八方聽聞，今次升遷並冇政治原因，主要係年齡問題。
人稱「吔叔」嘅雷競斌聽講已經喺度組班。呢位火紅年代中大紅人當年最愛喺新亞民主牆貼署名文章，佢阿哥雷競璇亦有唔少「政治著作」。
楊總四月四日一退，《大公報》老總懸空，八方問知情人士，入咗中央政策組協助老董嘅曾德成係咪會重返《大公報》執帥印？
點知答案係「唔似」，雖然係人都見到曾德成同劉兆佳好似愈幫老董愈忙，特區民望有跌冇升，但係講到尾，人望高處，公帑人工月入十皮，好食好住，重邊會吃回頭草咁儍。
傳真︰2623-9278
電郵︰