近來香港好戲連場，先有喬曉陽等三名京官來港「釋釋法」，跟住二萬港人仍唔畀面，上街「遊遊行」。
前日遊行八方喺終點嘅中聯辦門外，見到民主黨前主席李柱銘（媽田），佢頭岳岳周圍望，見到八方就問「中聯辦到底喺邊？」唔好怪媽田有眼不識泰山，因為一來佢點都唔會係中聯辦嘅貴客，未去過唔出奇，二來嗰度係中聯辦後門，冇招牌冇國旗冇國徽；媽田話望落重以為係一幢旺角嘅普通商業大廈。
講開今個假期佢冇遊埠，莫非收到風留港等京官來港，向佢哋當面質詢？媽田話梗係唔係，呢個假期周身唔得閒，原來佢間澄碧閣豪宅終於裝修竣工，周六可以搬返舊居。媽田話早前在外借宿極之不便，因為好多平時常用嘅文件資料同衣服都放喺屋企，𠵱家間屋裝修好，終於安樂晒。
傳真︰2623-9278
電郵︰