2R的Race及Rosanne前日在旺角舉行簽名會時，大玩制服誘惑，穿上空姐制服亮相，以呼籲fans買正版。其中Race透露好友余文樂說過在2R的新碟造型中，最喜歡她們的學生妹look，因造型較純樸。
女子組合2R前日以一身空姐打扮到旺角舉行簽名會，吸引了約五百人圍觀，其中有三百名歌迷排隊索取偶像簽名。
2R表示新碟中的每個造型，她們均非常喜愛，又透露希望日後有機會以學生造型舉行同類型活動，原來在旺角舉行簽名會是2R入行以來的心願，她們說：「我哋覺得旺角成日都咁多人咁熱鬧，而且今次我哋呢隻碟去貨比上一隻碟慢，因為有好多人都會唔合法咁去download（下載），所以我哋今次特登揀個多人嘅地方，可以勸多啲人買正版碟。」
Race表示有一次遇上余文樂，對方表示喜歡她們的學生妹造型，Race說：「阿樂話鍾意我哋嘅校服造型，我相信唔係因為特別純情，而係我哋呢個造型冇搽指甲油，因為阿樂最怕女仔搽指甲油。」
Race又表示鍾情旺角女人街的豬腸粉，她說：「女人街入面有一間舖啲豬腸粉好好食，但係就過咗夜晚十一點至有得食。」而Rosanne則表示愛吃咖喱魚蛋，還希望簽名會後保安和警察會護送她們在旺角「掃街」，大快朵頤。
採訪：李珮洳 攝影：何國豪
