香港警隊一向自稱重視公關，點知最近因釋法而引起嘅警民衝突，中大校友李明逵睇怕唔可以掉以輕心。
星期日反釋法遊行為例，由於警方同民陣方面就遊行路線有爭拗，搞到喺中山公園嘅市民相當鼓譟，八方當時企喺中間，啲人一聽到係警方不放行，第一時間就噓啲藍帽子，跟住有人竟然大叫「警察食屎」，真係有失斯文，跟住有人形容一哥為狗奴才，又有人叫警察做公安，總之都略嫌太直率。
雖然最後遊行算有驚無險，但除咗一九六七年愛國暴動時期，一小撮左仔將警察形容為黃皮狗之外，香港人一向都相當尊重前皇家警隊，而且遊行出名守規矩，一哥搞邊科，實在應該檢討吓。要遊行人士過馬路或者受困離唔到隊，都係別有用心嘅安排，中聯辦或者向港府施壓要求加強保護，但遊行只去到後門，連前門都見唔到，點「衝擊」？
傳真︰2623-9278
電郵︰