在新近揭幕嘅美國紐約國際車展上，凌志汽車（Lexus）特別展出咗全新、兼且被定名為LF-C嘅概念開篷跑車，外形除以流線型設計及擁有一個開關容易、兼且需時甚短嘅硬摺頂外，闊落嘅車廂空間加埋四張獨立輕量化桶形跑車座椅，能為乘客帶來一個舒適嘅乘車環境，多項設備及其控制鍵，全都整齊地鋪排及隱藏於透出藍光嘅中控台之下，係咪好前衞呢？
雖然廠方響新聞稿中，只表示LF-C會以一台大容積嘅V8引擎作動力核心，並未有公布輸出數值，但一般相信絕不遜息，喺一套6前速Sequential自動波箱相互配合下，起步加速反應尤其突出；與此同時，跑車化懸掛系統加前輪245/35ZR20及後輪285/30ZR21嘅高性能輪胎輔助下，揸起上嚟亦有唔錯嘅操控表現㗎！
記者：鄭達基
