許多市民都會外遊歡度佳節，但有車主團體提出警告，長假期是偷車賊作案的高峯期，車主必須提高警覺及做足防盜措施。
香港汽車會副會長李耀培指出，由於很多市民會趁長假期外遊，車主都會將汽車長期停泊停車場內，增加被盜風險，若車內留下貴重物品，更會成為偷車賊的熱門目標。
他提醒車主要提高警覺，不要留下貴重物品，並做好防盜措施：「特別係連續幾日都唔使揸架車，就更加要開足晒所有防盜措施，並且避免將架車泊喺停車場陰暗同偏僻嘅位置，減低被偷嘅機會。」
李耀培又批評，現行本港保險法例並無強制保險公司接受所有車主投保，令很多被視為高風險的車主不能輕易受保：「喺歐美國家嘅保險公司都需要接受汽車保險，最多只係提高個啲高風險嘅車主或汽車嘅保金，唔似得香港咁，保險公司可以揀選唔受保，搞到有啲車主要透過公司或其他人嘅名義投保，對我哋啲車主唔係咁公平！」他促請當局應盡快檢討現行法例，保障車主利益。
本報記者